اسلام آباد – پهرين سيپٽمبر (اي پي پي) ريلوي واري وفاقي وزير محمد حنيف عباسي سيد علي گيلاني جي جدوجهد ۽ قربانين کي خراج عقيدت پيش ڪندي چيو ته هن هميشه ڀارتي جارحيت جو بهادري سان مقابلو ڪيو. حريت اڳواڻ ڪشميري عوام جي خوداراديت واري حق لاءِ آواز اٿاريو. سيد علي گيلاني جي خدمتن کي تاريخ سونهري لفظن ۾ ياد رکندي، سيد علي گيلاني جي ورسي جي موقعي تي پنهنجي پيغام ۾ ريلوي واري وفاقي وزير چيو ته ڪشميري عوام جي آزادي واري جدوجهد کي سلام پيش ڪيون ٿا، پاڪستان ڪشميري عوام سان گڏ آهي ۽ هميشه گڏ رهندو.
