راولپنڊي – 11 ڊسمبر (اي پي پي) اطلاعات ۽ نشريات واري مملڪتي وزير مريم اورنگزيب چيو آهي ته هي ملڪ هاڻي ڪنٽينر، ڪوڙ ۽ انتشار جي سياست برداشت نه ٿو ڪري سگهي، ڌرڻن ۽ احتجاج جو دور گذري چڪو آهي، هاڻي سڀني جي لاءِ تاريخ رڳو 2018ع آهي، سڀ وزيراعظم محمد نواز شريف سان گڏجي ملڪ ۽ قوم جي خدمت ڪن، پارڪس جو آباد هجڻ دهشتگردي ۾ واضح گهٽتائي جي نشاني آهي، محمد نواز شريف گذريل ڏهاڪن ۾ ملڪ کي اهي تحفا ڏنا جن جا ثمر اڄ ملي رهيا آهن. اهڙن خيالن جو اظهار هن نواز شريف پبلڪ پارڪ راولپنڊي ۾ پي ايڇ اي جي اهتمام هيٺ گل دائودي جي گلن جي نمائش جي افتتاح کانپوءِ صحافين سان ڳالهائيندي ڪيو. مريم اورنگزيب چيو ته مسلم ليگ (ن) جي حڪومت ترقياتي ڪمن جي لاءِ عملي قدم کڻي رهي آهي ۽ محمد نواز شريف ڪجهه ڏينهن اڳ 26 اسپتالون قائم ڪرڻ جو اعلان ڪيو ۽ سنڌ ۾ ماس ٽرانزٽ بس شروع ڪرڻ جو اعلان ڪيو جيڪو سنڌ جي عوام لاءِ وفاق پاران هڪ تحفو هوندو.
