اسلام آباد – 11 ڊسمبر (اي پي پي) وزيراعظم محمد نواز شريف ڪالهه آچر ڏينهن ترڪي جي شهر استنبول ۾ ٿيندڙ دهشتگرد حملي جي سخت مذمت ڪئي آهي ۽ هن پوليس ۽ سيڪيورٽي اهلڪارن جي قيمتي جانين جي زيان تي گهري ڏک ۽ افسوس جو اظهار ڪيو آهي. وزيراعظم هائوس پاران جاري بيان موجب وزيراعظم چيو ته پاڪستان جي حڪومت ۽ عوام ان واقعي تي گهري افسوس ۾ آهي ۽ هو ترڪيءَ جي حڪومت ۽ عوام سان مڪمل يڪجهتي جو اظهار ڪري ٿي ۽ هن مشڪل جي گهڙيءَ ۾ انهن سان گڏ بيٺل آهي.
