اسلام آباد – 05 جولاءِ (اي پي پي) وزيراعظم عمران خان ملڪي هوائي اڏن تي عالمي معيار جي سهولتن جي فراهمي ۽ اميگريشن، ڪسٽم ۽ ٻي ضروري مرحلن کي ممڪن حد تائين آسان بڻائڻ تي خصوصي ڌيان ڏيڻ جي هدايت ڪندي چيو آهي ته پرڏيهي ملڪ رهندڙ پاڪستانين، سيڙپڪارن ۽ سياحت جي سلسلي ۾ پاڪستان ايندڙ ماڻهن کي هر ممڪن سهولت فراهم ڪرڻ حڪومت جي اولين ترجيح آهي، هوابازي پاليسي تحت ريگوليشن ۽ هوائي اڏن جي انتظامن کي ڌار ڪرڻ جو عمل جلد کان جلد پڄاڻي تي پهچايو وڃي. هن اها ڳالهه ملڪي هوائي اڏن جي بهتر انتظامن کي يقيني بڻائڻ جي حوالي سان اعليٰ سطحي اجلاس جي صدارت ڪندي چئي.
