اسلام آباد – 31 ڊسمبر (اي پي پي) وزيراعظم عمران خان چيو آهي ته 50 لک گهرن جي تعمير جو منصوبو حڪومت جي اهم منصوبن ۾ سرفهرست آهي جنهن سان نه رڳو گهرن جي مسئلي کي حل ڪرڻ ۾ مدد ملندي پر معيشت جو ڦيٿو تيز ٿيندو ۽ نوجوانن جي لاءِ نوڪرين جا ڪيترائي موقعا پيدا ٿيندا. وزيراعظم عمران خان جي صدارت ۾ نئون پاڪستان هائوسنگ پراجيڪٽ جو اجلاس ٿيو. اجلاس ۾ هائوسنگ ٽاسڪ فورس پاران وزيراعظم کي پراجيڪٽ تي هيستائين ٿيندڙ اڳڀرائي تي تفصيلي بريفنگ ڏني وئي.
