اسلام آباد – 31 ڊسمبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته جمهوري حڪومت جي دور ۾ سنڌ ۾ گورنر راڄ جو ڪو به جواز نه آهي ۽ نه ئي وفاق سنڌ ۾ تبديلي جي عمل ۾ مداخلت ڪري رهيو آهي، جعلي اڪائونٽس اسڪينڊل ۾ سنڌ جي وڏي وزير مراد علي شاهه جو نالو آهي، سنڌ جي وڏي وزير کي مشورو آهي ته هو عهدي تان استعيفيٰ ڏئي ڇڏي، ٻي صورت ۾ سنڌ اسيمبلي کيس هٽائي ڇڏيندي، وفاقي حڪومت جي ٻن وزيرن اخلاقي طور تي رڳو الزام تي ڪابينا تان استعيفيٰ ڏني هئي. هو پي آءِ ڊي جي ميڊيا سينٽر ۾ پريس ڪانفرنس ڪري رهيو هو.
