اسلام آباد – 02 نومبر (اي پي پي) وزيراعظم محمد نواز شريف جي سربراهي ۾ وفاقي ڪابينا رياست جي عملداري قائم ڪرڻ تي قانون لاڳو ڪندڙ ادارن جي ڪردار کي ساراهيندي اسلام آباد تي يلغار ۽ ان کي بند ڪرڻ جي درپيش صورتحال کي موثر طور تي منهن ڏيڻ تي گهرو وزير چوڌري نثار علي خان جي ڪوششن کي ساراهيو آهي. وزيراعظم ڪابينا اجلاس جي صدارت ڪندي رياست جي تحفظ جي لاءِ پنهنجا فرض سرانجام ڏيڻ تي گهرو وزير چوڌري نثار علي خان کي ساراهيو.