اسلام آباد – 02 نومبر (اي پي پي) قومي اسيمبلي جي ميمبر مريم اورنگزيب اطلاعات ۽ نشريات واري مملڪتي وزير جي عهدي جو حلف کڻي ورتو آهي. صدر ممنون حسين کانئس حلف ورتو. حلف برداري جي خصوصي تقريب ايوان صدر ۾ ٿي. قومي اسيمبلي جي اسپيڪر سردار اياز صادق، ڪيڊ جي مملڪتي وزير طارق فضل چوڌري، نجڪاري ڪميشن جي چيئرمين مملڪتي وزير محمد زبير، پارليامينٽ ميمبرن ۽ سينيئر سرڪاري آفيسرن حلف برداري واري تقريب ۾ شرڪت ڪئي.
