اسلام آباد – 02 نومبر (اي پي پي) پاڪستان مسلم ليگ (ن) جي چيئرمين ۽ سينيٽ ۾ قائد ايوان راجا ظفرالحق چيو آهي ته جمهوريت ۾ رهندي جمهوري طرزعمل اختيار ڪرڻ گهرجي، سمورن مسئلن کي سياسي تحمل ۽ بردباري سان حل ڪرڻ جي ضرورت آهي، سمورن مسئلن جي حل جو پليٽ فارم پارليامينٽ آهي. ريڊيو پاڪستان سان ڳالهائيندي هن چيو ته ملڪ ۾ گذريل ڪجهه مهينن کان پاناما ليڪس جي حوالي سان بدمزگي پکڙيل هئي ۽ هاڻي مسئلو وزيراعظم محمد نواز شريف جي فراخدلي، سياسي تحمل ۽ بردباري سبب پنهنجي آئيني ۽ پرامن حل طرف وڌڻ شروع ٿي ويو آهي.