ڪراچي – 11 سيپٽمبر (اي پي پي) وقتي صدر ۽ سينيٽ چيئرمين ميان رضا رباني قائداعظم محمد علي جناح جي 68 هين ورسيءَ جي موقعي تي مزار قائد تي حاضري ڀري، گل چاڙهيا ۽ فاتحه خواني ڪئي. وقتي صدر صحافين سان ڳالهائيندي هن چيو ته قائداعظم محمد علي جناح جي تقريرن جو خلاصو پاڪستان جي ترقي جو روڊ ميپ آهي. هن چيو ته والاريل ڪشمير ۾ عوام تي ڀارتي ظلم مذمت جوڳا آهن، عالمي برادري والاريل ڪشمير ۾ انساني حقن جي سنگين خلاف ورزين کي روڪرائي.
