اسلام آباد – 10 سيپٽمبر (اي پي پي) وزيراعظم محمد نواز شريف جي هدايت تي بدين، جيڪب آباد، ميرپورخاص، نوشهروفيروز، اسلام ڪوٽ ۽ مهيڙ سميت ملڪ جي مختلف حصن ۾ 46 اسپتالن جي تعمير لاءِ وفاقي حڪومت زمين مختص ڪرڻ جي سلسلي ۾ چئني صوبن، آزاد ڄمون ۽ ڪشمير ۽ گلگت بلتستان جي چيف سيڪريٽرين ۽ آءِ سي ٽي انتظاميه کي خط لکيا آهن، اهي سموريون 46 اسپتالون مڪمل طور تي وفاقي فنڊ جون اسپتال هونديون جيڪي جديد سهولتن سان ليس هونديون ۽ بين الاقوامي ڪنسلٽنٽنس ان جو ڊزائين تيار ڪندا. پنجاب ۾ 500 بسترن تي اسپتالن لاءِ تجويز ڪيل شهرن ۾ راجن پور، جهنگ، بکر، صادق آباد ۽ راولپنڊي شامل آهن جڏهن ته 250 بسترن تي مشتمل اسپتالون بوريوالاه، احمد پور شرقيه، ڪوٽ ادو، ساهيوال (سرگوڌا) قصور ۽ ليه ۾ تعمير ڪيون وينديون.
