اسلام آباد – 11 سيپٽمبر (اي پي پي) وزيراعظم محمد نواز شريف چيو آهي ته باباءِ قوم قائداعظم محمد علي جناح جي نظريي موجب ملڪ ۾ انتهاپسندي جي ڪا به جڳهه نه آهي، موجوده جمهوري حڪومت ملڪ کي قائداعظم جو پاڪستان بڻائڻ جي لاءِ پرعزم آهي. هن قائداعظم محمد علي جناح جي 68 هين ورسيءَ جي موقعي تي پنهنجي پيغام ۾ ان عزم کي ورجايو ته موجوده جمهوري حڪومت ملڪ کي حقيقي معنيٰ ۾ قائداعظم جو پاڪستان بڻائڻ جي لاءِ ڪا ڪسر نه ڇڏيندي. هن چيو ته پوري قوم اڄ قائداعظم محمد علي جناح جي ورسيءَ عقيدت ۽ احترام سان ملهائي رهي آهي.
