هراري- 22 نومبر (اي پي پي) زمبابوي ۽ پاڪستان جي ڪرڪيٽ ٽيمن وچ ۾ ٽن، ون ڊي انٽرنيشنل ميچن تي ٻڌل سيريز جي شروعات 24 نومبر تي ڪوئنز اسپورٽس ڪلب بلاوايو ۾ پهرين ميچ سان ٿيندي. پاڪستان جي ڪرڪيٽ ٽيم زمبابوي پهچي چڪي آهي جتي هو ميزبان ٽيم خلاف ٽي ون ڊي ميچن ۽ 3 ٽي ٽونٽي عالمي ميچن جي سيريز کيڏندي. ميزبان زمبابوي اسڪواڊ جي اڳواڻي ارون ڪريگ جڏهن ته پاڪستاني ٽيم جي سربراهي محمد رضوان ڪندو. ٻنهي ٽيمن وچ ۾ ٽن ون ڊي ميچن جي سيريز جي پهرين ميچ 24 نومبر، ٻين 26 نومبر جڏهن ته ٽين ۽ آخري هڪ ڏينهن واري ميچ 28 نومبر تي کيڏي ويندي. ون ڊي سيريز جا ٽئي ميچز ڪوئنز اسپورٽس ڪلب، بلاوايو ۾ کيڏيا ويندا. پاڪستان خلاف زمبابوي جي 15 رڪني ون ڊي اسڪواڊ ۾ ڪريگ ايروائن(ڪپتان)، فراز اڪر، برائن بينيٽ، جويلورڊ گمبي، ٽريور گوڳانڊو، ڪلائيو مذانڊي، ٽينو ٽينڊا ماپوسا، تاديوانا شي ماروماني، برينڊن ماوتا، تشنگا موسيڪيوا، بليسنگ مزار اباني، سيچراران، رجرڊان، سيڪران ۽ ڊيوٽي وليمز شامل آهن. ون ڊي سيريز کانپوءِ ٻنهي ٽيمن وچ ۾ 3 ٽي ٽونٽي ميچن جي سيريزبن انهي هنڌ کيڏي ويندي. ٽن، ٽي ٽونٽي ميچن جي پهرين ميچ پهرين ڊسمبر، ٻين 3 ڊسمبر جڏهن ته ٽين ۽ آخري ٽي ٽونٽي ميچ 5 ڊسمبر تي کيڏي ويندي.
