واشنگٽن -13 مارچ (اي پي پي) آمريڪي فيڊرل بيورو آف انويسٽيگيشن پنهنجي رپورٽ ۾ چيو آهي، ته غزه ۾ جنگ ويجهي مستقبل ۾ ختم نه ٿيندي. ميڊيا رپورٽن مطابق آمريڪي انٽيليجنس ڪميونٽي جي سالياني رپورٽ ۾ ايف بي آءِ جي ماهرن پاران تيار ڪيل اسرائيل بابت سيڪشن اندازو لڳايو آهي ته غزه جي پٽي ۾ جنگ ويجهي مستقبل ۾ ختم ٿيڻ جو ڪو به امڪان ناهي. رپورٽ تيار ڪندڙن جو خيال آهي ته غزه ۾ جنگ جاري رهڻ جي صورت ۾ ايندڙ سالن ۾ اسرائيل پڻ پنهنجي خلاف امڪاني ڪارروائين جي خطرن کي منهن ڏئي سگهي ٿو. رپورٽ ۾ چيو ويو آهي، ته اسرائيل لاءِ غزه ۾ پنهنجو هدف مڪمل طور تي حاصل ڪرڻ ناممڪن نه هوندو جڏهن ته اسرائيلي فوج ان مقصد کي حاصل ڪرڻ جي ويجهو به نه پهچي سگهندي.
