ڪينبرا -13 مارچ (اي پي پي) آسٽريليا جي پرڏيهي وزير پيني وونگ چيو آهي، ته اسرائيل کي عالمي برادري جي حمايت لاءِ غزه ۾ پنهنجو طريقيڪار تبديل ڪرڻو پوندو، ٻي صورت ۾ هو عالمي حمايت کان محروم ٿي ويندو. ميڊيا رپورٽن موجب پيني وونگ آمريڪي صدر جوبائيڊن جي ان موقف جي تائيد ڪئي جنهن ۾ هن چيو ته هو ته نيتن ياهو جي غزه ۾ جنگي سوچ اسرائيل کي فائدو نه پر نقصان پهچائي رهي آهي. هن چيو ته 7 آڪٽوبر جي حملي کان پوءِ اسرائيل لاءِ دنيا ۾ همدردي نظر اچي رهي هئي. جڏهن ته هاڻي دنيا جاري صورتحال کان خوفزده ٿي وئي آهي، انهي لاءِ سندس راءِ ۾ جيڪڏهن اسرائيل غزه ۾ پنهنجو جنگي طريقو تبديل نه ڪيو ته اهو عالمي طور تي پنهنجي حمايت وڃائي ويهندو.
