ماسڪو -13 مارچ (اي پي پي) روس جي صدر ولاديمير پيوٽن چيو آهي، ته جيڪڏهن پولينڊ پنهنجا فوجي يوڪرين موڪليا ته زنده واپس نه وڃي سگهندا.پرڏيهي خابرو اداري موجب هڪ انٽرويو دوران روس جي صدر چيو ته پولينڊ پاران پنهنجي فوجين کي يوڪرين موڪلڻ جو مقصد بيلا روس جي سرحد تي مقرري ٻڌايو ويو آهي. روس جي صدر چيو ته پولينڊ جي فوجين کي يوڪرين جي ريئر ملٽري يونٽس جي جاءِ تي مقرر ڪري انهن يونٽس کي روسي فوج سان جنگ لاءِ موڪليو ويندو ته اهي واپس زنده نه وڃي سگهندا. روسي صدر جو خيال آهي ته پولينڊ جا عملدار يوڪرين جي انهن علائقن کي واپس وٺڻ جا خواهشمند ٿي سگهن ٿا جن کي روس جي اڳواڻ جوزف اسٽالن يوڪرين ۾ شامل ڪرايو هو. جڏهن ته اهي ايئن نه ڪري سگهندا. واضح رهي ته پولينڊ جي پرڏيهي وزير گذريل هفتي دعويٰ ڪئي هئي ته روس سان جنگ وچ ۾ نيٽو فوجين جي يوڪرين ۾ مقرري تصور جوڳي ناهي.
