ابوجا – 13 مارچ (اي پي پي) نائيجيريا جي اترئين رياست ڪڊونا جي ڳوٺ مان هٿياربند ماڻهن 61 ڄڻن کي اغوا ڪري ورتو. رائٽر مطابق مقامي رهواسين جو چوڻ آهي ته اغوا جون وارداتون اڪثر پري پري جي آبادين ۾ ٿينديون آهن، جنهن سان رهواسي بي بس ٿي ويندا آهن. لاول عبداللهي نالي هڪ رهواسي ٻڌايو ته منهنجي زال هن 61 ماڻهن ۾ شامل آهي جنهن کي ڌاڙيلن اغوا ڪيو آهي ۽ اسان هاڻ به توقع ڪري رهيا آهيون ته هو هميشه جيان تاوان لاءِ ڪال ڪندا. هڪ ٻئي رهواسي دانجو ماسيل چيو ته اسان هڪ ڊگهي عرصي سان ان حملن جو سامهون ڪري رهيا آهيون.
