گڏيل قومون-29 آگسٽ (اي پي پي) گڏيل قومن جي اسسٽنٽ سيڪريٽري جنرل ميرو سلاوجينڪا قبرص جي صدر نيڪوس ڪرسٽو ڊولائڊس ۽ ترڪ قبرص اڳواڻ ايرسن تاتار سان ڌار ڌار ملاقات ڪئي، جنهن جو مقصد تعطل جو شڪار قبرص امن ڳالهين کي ٻيهر شروع ڪرڻ آهي. چين جي خابرو اداري مطابق گڏيل قومن جي سيڪريٽري جنرل انتونيو گوتريش جي هدايت تي يورپ، وچ ايشيا ۽ آمريڪا لاءِ گڏيل قومن جي اسسٽنٽ سيڪريٽري جنرل قبرص جي صدر ۽ ترڪ قبرصي اڳواڻ سان ڌار ڌار ملاقات ڪئي. قبرص جي صدر سان ملاقات بعد اسسٽنٽ سيڪريٽري جنرل چيو ته گڏيل قومن جي سيڪريٽري جنرل ٻيٽ جي صورتحال تي پورو ڌيان ڏئي رهيو آهي. هن چيو ته مون قبرص جي صدر سان ٻيهر ڳالهين ڪرڻ جي باري ۾ خيالن جي ڏي وٺ ڪئي. هن چيو ته سيڪريٽري جنرل قبرص جي مسئلن جو حل تلاش ڪرڻ لاءِ مدد ڪندس. ايرسن تاتار سان ملاقات بعد اسسٽنٽ سيڪريٽري جنرل اميد ظاهر ڪئي ته مستقبل ۾ گڏيل طور تي سمورن ماڻهن جي فائدي لاءِ امن ڳالهيون بحال ٿينديون.