اسلام آباد – 04 آگسٽ (اي پي پي) پاڪستان تحريڪ انصاف جي مرڪزي اڳواڻ اسد عمر چيو آهي ته آءِ ايم ايف وٽ وڃڻ جو فيصلو ناهي ڪيو. هڪ نجي ٽي وي چينل جي پروگرام ۾ ڳالهائيندي هن چيو ته عمران خان صنعتن جي لاءِ سهولتون پيدا ڪرڻ چاهي ٿو، فيصلا مهينن ۾ نه ڏينهن ۾ ڪرڻا پوندا، اقتدار ۾ اچڻ کانپوءِ اسان جي ڪارڪردگي نظر ايندي. هن چيو ته معيشت جا بنيادي مسئلا 10 سالن کانپوءِ به اتي ئي آهن، اسان پنهنجي صنعت ۽ واپار کي هڪ جهڙا موقعا نه ڏنا، اڳوڻي حڪومت صنعت ۽ واپار کي مضبوط ڪرڻ بدران قرض ورتا، ٻاهريان قرض وڌڻ سان پرڏيهي مٽاسٽا جي ناڻي جا ذخيرا گهٽ ٿيا.
