اسلام آباد – 13 مارچ (اي پي پي) قومي اسيمبلي جي اسپيڪر سردار اياز صادق عورت پارليامينٽ ميمبرن جي پارلياماني ڪردار کي زبردست انداز ۾ خراج تحسين پيش ڪندي چيو آهي ته پائيدار ترقي جي مقصدن لاءِ بين الاقوامي عزم اسان کي ياد ڏياري ٿو ته صحت مند ۽ تعليم يافته قوم جي لاءِ جهالت سان مقابلو ڪرڻ جو رستو عورتن جي رهنمائي ۽ عورتن جي مرڪزيت جي حامل پاليسي مان نڪرڻ آهي. انٽرنيشنل وويمن پارلياماني ڪانفرنس جي افتتاحي اجلاس کي خطاب ڪندي هن چيو ته وويمن پارلياماني ڪانفرنس طرفان منقعد ڪيل انٽرنيشنل وويمن پارليامينٽري ڪانفرنس جي افتتاحي اجلاس ۾ سندس شرڪت انتهائي خوشي جوڳي آهي، مون کي اهو ڄاڻي خوشي ٿي آهي ته ايشيا، آفريقه، يورپ ۽ آسٽريليا کنڊ جي 16 ملڪن جون نامياريون عورتون ان ڪانفرنس ۾ شريڪ آهن، معزز مهمانن جي اسلام آباد ۾ موجودگي باوقار امن ۽ گڏجي سڏجي ترقي ڪرڻ جي گڏيل خواهش جي عڪاسي ڪري ٿي. هن چيو ته ايوان ۾ منهنجي تجربي ٻڌايو ته جيڪڏهن عورت پارليامينٽرين قانونسازي جي عمل ۾ سرگرمي جو مظاهرو ڪن ٿيون ته ايوان عوام جي خوشحالي ۽ خاص طور تي انساني ترقي تي پنهنجو ڌيان رکي ٿو
