اسلام آباد – 13 مارچ (اي پي پي) قومي اسيمبلي جي اسپيڪر سردار اياز صادق چيو آهي ته پاڪستان ڏکڻ، وچ ۽ اولهه ايشيائي خطن جي وچ ۾ رابطا هموار ڪرڻ ۾ هڪ محور طور اڀري رهيو آهي، پاڪستان ۽ ڪرغزستان جي وچ ۾ گهرن رابطن سان وچ ايشيا ۽ وچ اوڀر جي وچ ۾ پاڪستان جي رستي هڪ محفوظ ۽ ڊگهي واپاري رستي سان معاشي ترقي جي هڪ نئين دور جو آغاز ٿيندو. اهڙن خيالن جو اظهار هن ڪرغزستان جي پارليامينٽ (جوگورڪوڪينيشن) جي اسپيڪر چينبئي اي ترسنبيڪو جي سربراهي ۾ آيل پارلياماني وفد سان ڳالهائيندي ڪيو جنهن ساڻس پارليامينٽ هائوس ۾ ملاقات ڪئي.
