دبئي – 11 – فيبروري (اي پي پي) وزيراعظم محمد شهباز شريف چيو آهي ته عالمي سطح تي سبز معيشت تي منتقلي گڏيل ذميواري آهي، پاڪستان کي گرين انرجي تي منتقلي جي لاءِ 100 ارب ڊالر گهربل آهن، حڪومت ملڪ ۾ ماحول دوست توانائي جي فروغ جي لاءِ مراعتن سميت ٻيا قدم کڻي رهي آهي، پاڪستان جي هنرمند افرادي قوت ۽ اسٽريٽجڪ جاگرافيائي بيهڪ سيڙپڪاري جي لاءِ بهترين آهي. اهڙن خيالن جو اظهار هن ورلڊ گورنمنٽس سمٽ کي خطاب ڪندي ڪيو. وزيراعظم چيو ته گڏيل عرب امارات جي صدر شيخ محمد بن زيد النهيان ۽ شيخ محمد راشد المڪتوم جي قيادت ۾ ان سمٽ ۾ هم خيال ملڪن کي گڏ ڪرڻ، انهن جي وچ ۾ آئيڊياز جي مٽاسٽا ۽ انسانيت کي مستقبل ۾ درپيش چئلينجز کي منهن ڏيڻ جي لاءِ ان قدم کي ساراهيان ٿو، هي سمٽ انسانيت جي بهتر مستقبل جي لاءِ چئلينجز ۽ موقعن تي گڏيل غور فڪر جو موثر فورم آهي. هن چيو ته هي اجلاس اهڙي وقت ۾ منعقد ڪيو پيو وڃي جڏهن غزه المناڪ تڪرار جي تباهي آڻيندڙ اثرن مان نڪرڻ جي ڪوشش ڪري رهيو آهي جتي 50 هزار جي لڳ ڀڳ فلسطيني شهيد ٿيا آهن، فلسطينين جي نسل ڪشيءَ سان پائيدار امن کي ڌچڪو پهتو جڏهن ته پائيدار ۽ منصفاڻو امن رڳو ٻه رياستي حل جي ذريعي ممڪن آهي، گڏيل قومن جي قراردادن موجب 1967ع کان اڳ جي سرحدن تي ٻڌل هڪ آزاد فلسطيني رياست جو قيام ضروري آهي، القدس الشريف جنهن جي گادي وارو شهر هجي. هن چيو ته پاڪستان ريزيلينس ۽ عالمي تعاون جي عزم جو ورجاءُ ڪري ٿو، ڪيترن ئي چئلينجز جي باوجود گذريل سال دوران نمايان معاشي بهتري آئي آهي، پاڪستان معاشي تبديلي جي راهه تي گامزن آهي، مهانگائي ۾ گهٽتائي آئي آهي جيڪا هلندڙ سال جنوري ۾ 2.4 سيڪڙو رهي، وياج جي شرح 12 سيڪڙو تي اچي چڪي آهي، اسان فائيو ايز جي ذريعي قومي اقتصادي ٽرانسفارميشن پلان تي عمل پيرا آهيون، اڏار پاڪستان ملڪ جي اقتصادي ترقي جو منصوبو آهي جنهن ۾ روانگي واپار، اي پاڪستان، موسمياتي تبديلي، انفراسٽرڪچر، ايڪويٽي ۽ ايمپاورمنٽ تي ڌيان ڏنو ويو آهي، ان جي اهم ايجنڊا انرجي سيڪيورٽي ۽ پائيداريت آهي جنهن ۾ نه رڳو معيشت پر پاڪستان ترجيح آهي. هن چيو ته پاڪستان 2030ع تائين 60 سيڪڙو ڪلين انرجي مڪس حاصل ڪرڻ جي لاءِ پرعزم آهي، 30 سيڪڙو گاڏيون اليڪٽرڪ تي منتقل ڪيون وينديون، اسان شمسي، ونڊ، پن بجلي ۽ نيوڪليئر انرجي کي استعمال ۾ آڻڻ جي لاءِ مسلسل قدم کڻي رهيا آهيون. هن چيو ته اسان جي ڏاکڻي علائقن ۾ 50 هزار ميگاواٽ ونڊ انرجي جي وڏي صلاحيت آهي، ناردرن پن بجلي منصوبو 13 هزار ميگاواٽ ڪلين انرجي جي صلاحيت رکي ٿو، سولر انرجي آڊپٽيشن ۾ پاليسي ۽ ٽيڪس سڌارن، سيڙپڪاري، مراعتن ۽ نيٽ ميٽرنگ جي ذريعي تيزي آندي وئي آهي، سولر پينلز ۽ ٻين اوزارن تي ڪسٽم ڊيوٽي ۾ رعايت ڏني وئي آهي. هن چيو ته اسان ڪاروباري قانونن ۾ آساني پيدا ڪئي آهي، قانوني تحفظ کي سگهه ڏني آهي ۽ سيڙپڪاري جي منظوري ۾ بهتري آندي آهي، پاڪستان کي عالمي سيڙپڪاري جو مرڪز بڻائڻ جا خواهشمند آهيون، خصوصي ڪاروباري مرڪز قائم ڪيا ويا آهن، قابل تجديد توانائي تي ڌيان ڏنو آهي، معدنيات، صنعتن جي ترقي، زراعت ۽ خوراڪ جو تحفظ اسان جي پاليسي جو اهم محور آهي، پاڪستان ايڪو فرينڊلي ايگريڪلچرل انوويشن جي لاءِ ايڊاپٽيشن پاليسي 2023ع تحت پيداوار ۾ اضافي، خوراڪ جي تحفظ کي يقيني بڻائڻ ۽ ڳوٺاڻي معيشت جي فروغ تي ڌيان ڏنو آهي، ڊرپ ايري گيشن جي ذريعي پاڻي جي مسئلي تي ضابطو آندو پيو وڃي، شمسي توانائي تي هلندڙ ٽيوب ويلز کي ايگري ٽيڪ انوويشن جي ذريعي مراعتون ڏئي رهيا آهيون، موسمي صورتحال کي جانچڻ جي لاءِ جديد نظام هنيو پيو وڃي، انهن قدمن سان اسان جي ماحولياتي صورتحال ۾ بهتري ايندي، هڪ هزار زرعي گريجوئيٽ پاڪستاني جلد جديد تربيت جي لاءِ چين ويندا. هن چيو ته طبقن جي بهترين، برابر موقعا فراهم ڪرڻ ۽ پنهنجي ماڻهن جي خوشحال مستقبل جي لاءِ ڪوششون ڪري رهيا آهيون، عالمي سطح تي گرين اڪانومي تي منتقلي گڏيل ذميواري آهي، ملڪي وسيلن کي متحرڪ ڪرڻ، پاليسي سڌارن، عالمي حصيداري ۽ سيڙپڪاري اهم آهن جنهن جي ذريعي اهي هدف حاصل ڪري سگهجن ٿا، پاڪستان کي گرين انرجي تي منتقلي جي لاءِ 100 ارب ڊالر گهربل آهن، ان جي لاءِ حڪومتن کي موسمياتي سيڙپڪاري، ٽيڪنالاجي حصيداري ڪرڻ گهرجي، گهڻ رخي ادارن کي پاڪستان جهڙي اڀرندڙ معيشتن جي پائيدار ترقي جي لاءِ تعاون ڪرڻ گهرجي، انفراسٽرڪچر جي بهتري، معاشي واڌويجهه، انساني ترقي اسان جي ترجيح آهي، اميد آهي ته هي فورم دنيا جي امن، پائيدار ۽ خوشحال مستقبل جي لاءِ نئين صبح جي نويد ٿيندو.
