اسلام آباد – 05 جولاءِ (اي پي پي) صدر ڊاڪٽر عارف علوي پاڪستان ۽ ترڪي جي وچ ۾ دفاعي لاڳاپن جي فروغ ۾ اهم ڪردار ادا ڪرڻ تي ترڪي جي زميني فوج جي ڪمانڊر جنرل اميت دندار کي نشان امتياز عطا ڪيو آهي، ان حوالي سان خصوصي تقريب ايوان صدر ۾ ٿي، تقريب ۾ اعليٰ فوجي ۽ سول عملدارن شرڪت ڪئي، جنرل اميت دندار نيٽو، افغانستان ۾ ڪمانڊر سميت ترڪي جي فوج ۾ اهم عهدن تي فائز رهيو، هن ٻنهي دوست ملڪن پاڪستان ۽ ترڪي جي هٿياربند فوج جي وچ ۾ دفاعي تعاون کي مضبوط بڻائڻ ۽ فروغ ڏيڻ ۾ اهم ڪردار ادا ڪيو.