مڪو شريف – 29 جنوري (اي پي پي) مسجد الحرام جي انتظاميه ڪعبته الله جي اڱڻ ۾ 150 چورس ميٽر جي لڳ ڀڳ نئون سنگ مرمر لڳرائي ڇڏيو آهي. العربيه نيوز موجب مسجد الحرام انتظاميه جي ماتحت مرمت واري داري جي انچارج محسن السلمي ٻڌيو ته مطاف، صفيٰ ۽ مرويٰ جي وچ ۾ سعي واري علائقي ۽ اذان واري هنڌ جو سنگ مرمر تبديل ڪرايو ويو آهي. مسجد الحرام جي سمورن اڱڻن ۾ نئون سنگ مرمر لڳايو ويندو. حرم پاڪ جي جنهن حصي جو سنگ مرمر متاثر ٿيو هوندو ان کي پهرين ته چمڪائڻ جي ڪوشش ٿيندي ٻي صورت ۾ ان جي جاءِ تي نئون لڳايو ويندو.