اسلام آباد – 20 ڊسمبر (اي پي پي) اطلاعات، نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته قائداعظم ڪنهن جنگ سان نه پر اتحاد، تنظيم ۽ يقين محڪم سان هي ملڪ ٺاهيو، موجوده جمهوري حڪومت قائداعظم محمد علي جناح جي فڪر ۽ فرمانن تي عمل ڪندي ملڪ کي درپيش چئلينجن کي منهن ڏيڻ جي لاءِ ڪوشش ڪري رهي آهي، قائداعظم جي اتحاد، تنظيم ۽ يقين محڪم جي فرمان تي عمل ڪندي اهڙو پاڪستان ٺاهڻ چاهيون ٿا جتي اونداهيون نه روشنيون هجن. اهڙن خيالن جو اظهار هن ڊائريڪٽوريٽ آف اليڪٽرانڪ ميڊيا اينڊ پبليڪيشنز، اطلاعات، نشريات ۽ قومي ورثي ۽ نظريه پاڪستان ڪائونسل جي اهتمام هيٺ اسان جو قائد جي عنوان سان تصويري نمائش کي خطاب ڪندي ڪيو.
