فيصل آباد – 20 ڊسمبر (اي پي پي) وزيراعظم شاهد خاقان عباسي ترقي جي لاءِ جمهوري نظام کي بهترين آپشن قرار ڏيندي چيو آهي ته موجوده حڪومت پنهنجو مدو پورو ڪندي، چونڊون مقرر وقت تي ٿينديون ۽ فيصلو عوام ڪندي، مختلف شعبن ۾ پرڏيهي سيڙپڪاري حڪومت جي مثبت پاليسين تي اعتماد جو اظهار آهي، حڪومت سيڙپڪارن کي هر ممڪن سهولتون فراهم ڪري رهي آهي، حڪومت جي مثبت پاليسين جا نتيجا سامهون اچڻ شروع ٿي ويا آهن. هن اها ڳالهه هنڊائي ڪار پلانٽ جي پيڙهه جو پٿر رکڻ واري تقريب کي خطاب ڪندي چئي.
