سوچي – پهرين ڊسمبر (اي پي پي) وزيراعظم شاهد خاقان عباسي شنگهائي تعاون تنظيم جي حڪومتي سربراهن جي 10 هين اجلاس ۾ شرڪت لاءِ اجلاس جي مقام تي پهچي ويو. وزيراعظم شاهد خاقان عباسي جي آمد تي ميزبان ملڪ جي وزيراعظم دمتري ميدويدوف سندس استقبال ڪيو. پاڪستان 2005ع کان شنگهائي تعاون تنظيم جو مبصر ملڪ رهڻ کانپوءِ هلندڙ سال جون ۾ تنظيم جو مستقبل ميمبر بڻيو آهي. پاڪستان کي مڪمل رڪنيت ڏيڻ جو فيصلو 2015ع ۾ روس جي شهر اوفا ۾ منعقد تنظيم جي ملڪي سربراهن جي اجلاس ۾ ڪيو ويو هو، شنگهائي تعاون تنظيم يورپي ۽ ايشيائي ملڪن جي هڪ طاقتور تنظيم آهي جيڪا ميمبر ملڪن جي وچ ۾ علائقائي، سياسي، اقتصادي ۽ ثقافتي تعاون جي فروغ لاءِ ڪم ڪندي آهي
