اسلام آباد – پهرين ڊسمبر (اي پي پي) صدر ممنون حسين پشاور ۾ زرعي تربيتي انسٽيٽيوٽ تي دهشتگردي جي حملي جي شديد مذمت ڪئي آهي. صدر ان حملي ۾ شهيد ٿيندڙ ماڻهن جي پوئينرن سان تعزيت ۽ همدردي جو اظهار ڪيو ۽ زخمين جي جلد صحتيابي جي دعا ڪئي. صدر دهشتگردن جي خلاف سيڪيورٽي فورسز طرفان موثر آپريشن جي واکاڻ ڪئي ۽ بچيل سچيل دهشتگردن کي جلد ختم ڪرڻ جي عزم جو ورجاءُ ڪيو. صدر چيو ته پوري قوم هر قسم جي چئلينجن کي منهن ڏيڻ لاءِ پرعزم آهي.
