اسلام آباد – 07 آڪٽوبر (اي پي پي) وزيراعظم عمران خان وفاقي ترقياتي اداري (سي ڊي اي) جي نئين سر جوڙجڪ جي منصوبي جي اصولي طور تي منظوري ڏيندي هدايت ڪئي آهي ته ان حوالي سان منصوبو ڪابينا جي ايندڙ اجلاس ۾ غور ۽ حتمي منظوري لاءِ پيش ڪيو وڃي، ان منصوبي جو مقصد وفاقي ترقياتي اداري جي نئين سر جوڙجڪ ڪرڻ آهي ته جيئن ان کي خدمتن جي فراهمي ۽ ڪارڪردگي جي لحاظ کان بهترين ادارو بڻائي سگهجي. نئين سر جوڙجڪ جي ذريعي وفاقي ترقياتي اداري ۾ موثر ڪارپوريٽ گورننس جو ماڊل متعارف ڪرايو ويندو، ان حوالي سان منصوبي جا مقصد وزيراعظم عمران خان جي صدارت ۾ وزيراعظم آفيس ۾ ٿيندڙ اجلاس ۾ پيش ڪيا ويا.
