اسلام آباد – 07 آڪٽوبر (اي پي پي) صدر ڊاڪٽر عارف علوي ڇاتيءَ جي ڪينسر بابت عوامي سطح تي آگاهي پيدا ڪرڻ تي زور ڏيندي عالم سڳورن تي زور ڏنو آهي ته اهي ان حوالي سان پنهنجي سماجي ذميواري پوري ڪن، ملڪ ۾ هڪ ڪروڙ کان وڌيڪ عورتن کي ڇاتيءَ جي ڪينسر جو خطرو آهي، ٻارن کي ماءُ جو کير پيارڻ سان ڇاتيءَ جي ڪينسر جو امڪان گهٽ ٿي وڃي ٿو، آبادي جي شرح ۾ تيزي سان اضافو به پاڪستان جهڙن ملڪن جي لاءِ مسئلو بڻجي چڪو آهي. اهڙن خيالن جو اظهار هن ايوان صدر ۾ ڇاتيءَ جي ڪينسر بابت هڪ تقريب کي خطاب ڪندي ڪيو.
