اسلام آباد – 30 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته زلزلي سبب متاثر علائقن ۾ تعليمي ادارن، صحت مرڪزن ۽ رستن جي بحالي جو ڪاٿو 12 سئو ملين روپيا لڳايو آهي، حڪومت زلزلي سبب فوت ٿيندڙ ماڻهن جي پوئينرن کي پنج لک روپيا في ماڻهو ڏيڻ جو فيصلو ڪيو آهي، مڪمل طور تي تباهه ٿيندڙ هڪ هزار گهرن جي لاءِ 2 لک جڏهن ته جزوي طور تي متاثر ٿيندڙ گهرن جي لاءِ هڪ لک روپيا في گهر ڏنا ويندا، تباهه ٿيندڙ ڪچن گهرن جي مالڪن کي پنجاهه هزار روپيا في گهر ڏنا ويندا. پارليامينٽ هائوس ٻاهران ميڊيا سان ڳالهائيندي ڊاڪٽر فردوس عاشق اعواڻ چيو ته وزيراعظم آمريڪا جي دوري تان واپس پهچڻ کانپوءِ زلزلي متاثرين جي حالت ڏسڻ ۽ يڪجهتي جي اظهار لاءِ اڄ زلزلي سبب متاثر علائقي ميرپور جو دورو ڪيو
