ڪراچي – 30 سيپٽمبر (اي پي پي) صدر ڊاڪٽر عارف علوي چيو آهي ته پاڪستان ۾ امن ۽ امان جي صورتحال پهرين کان وڌيڪ تسلي بخش ٿي وئي آهي، سريلنڪا وانگر ٻين پرڏيهي ٽيمن کي به پاڪستان اچي کيڏڻ گهرجي، آهستي آهستي ٻين ملڪن جون ٽيمون به پاڪستان اچڻ شروع ٿي وينديون، صدر طور ميچ ڏسڻ سٺو لڳي رهيو آهي. اهڙن خيالن جو اظهار هتي نيشنل اسٽيڊيم ۾ پاڪستان ۽ سريلنڪا جي وچ ۾ کيڏي ويندڙ هڪ ڏينهن واري عالمي قومي ميچ ۾ خاص مهمان طور شرڪت ڪرڻ جي موقعي تي صحافين سان ڳالهائيندي ڪيو.
