نيويارڪ – 25 سيپٽمبر (اي پي پي) وزيراعظم عمران خان چيو آهي ته والاريل ڪشمير ۾ رتوڇاڻ جو خطرو آهي ۽ دنيا کي ان کان بچڻ جي لاءِ فعال ڪردار ادا ڪرڻو پوندو. دنيا کي والاريل ڪشمير ۾ ڀارت جي غيرقانوني قبضي، هڪ طرفي قدمن ۽ اتي ٿيندڙ انساني حقن جي خلاف ورزين بابت آگاهه ڪرڻ آيو آهيان، پاڪستان افغانستان ۾ امن چاهي ٿو ۽ امن عمل جي مڪمل حمايت ڪريون ٿا. نيويارڪ ۾ ناليواري اخبار نيويارڪ ٽائيمز جي ايڊيٽوريل بورڊ سان ڳالهائيندي وزيراعظم آمريڪا ۾ رهڻ دوران دنيا کي ڀارت جي غيرقانوني ۽ هڪ طرفي ڄمون ۽ ڪشمير تي قبضي ۽ اتي ٿيندڙ انساني حقن جي خلاف ورزين بابت آگاهه ڪيو.
