ميرپور – 25 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته وزيراعظم عمران خان جي هدايت تي پاڪ فوج، اين ڊي ايم اي سميت سانحن کي منهن ڏيندڙ سمورا ادارا ميرپور ۾ ريسڪيو ۽ رليف آپريشن ۾ وڌي چڙهي حصو وٺي رهيا آهن، اڄ اسان سڀني جو امتحان آهي، جڏهن به قوم تي مشڪل گهڙي يا قدرتي آفت آئي ته پوري قوم گڏ ٿي ويندي آهي، هڪ دفعو ٻيهر 22 ڪروڙ عوام آزاد ڪشمير زلزلي ۾ آڪٽوبر 2005ع وارو جذبو ورجائي رهي آهي، حڪومت پاڪستان زلزلي متاثرن جي بحالي، مالي نقصان جي ازالي لاءِ پنهنجو ڀرپور ڪردار ادا ڪندي، وزيراعظم کي نقصانن جي حوالي سان پل پل رپورٽ موڪلي پئي وڃي، هو ڊويزنل هيڊڪوارٽر ٽيچنگ اسپتال ميرپور ۾ زخمين جي عيادت کانپوءِ صحافين سان ڳالهائي رهي هُئي.
