اسلام آباد – 24 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته وزيراعظم عمران خان موثر ۽ باوقار انداز سان مظلوم ڪشميرين جو ڪيس سڄي دنيا جي سامهون پيش ڪري رهيو آهي، مختلف ملڪن جي سربراهن سان ملاقاتن جو محور ڪشمير تڪرار ۽ ان جي موجوده سنگين صورتحال هئي، 80 لک ڪشميري والاريل وادي ۾ بند آهن. عمران خان دنيا کي باور ڪرايو ته والاريل ڄمون ۽ ڪشمير ۾ انساني بحران جنم وٺي سگهي ٿو جنهن سان امن عالم کي سخت خطرا آهن. پنهنجي ٽوئيٽ ۾ وزيراعظم جي خصوصي معاون ڊاڪٽر فردوس عاشق اعواڻ چيو ته جنت جي وادي ۾ مظلوم عوام تي زندگي تنگ، گهٽيون ويران ۽ چوڪ ۽ بازارون سنسان پيل آهن.
