نيويارڪ – 23 سيپٽمبر (اي پي پي) پرڏيهي وزير شاهه محمود قريشي چيو آهي ته پاڪستان آرمينيا پاران تڪراري خطي جي جاگرافيائي آبادي، معاشي، سماجي ۽ ثقافتي تشخص ۽ اداراجاتي ڍانچي جي تبديلي جي هڪ طرفي قدم جي مخالفت ڪري ٿو، آرمينيا گڏيل قومن جي سلامتي ڪائونسل سان لاڳاپيل قراردادن تي عملدرآمد کي يقيني بڻائيندي نگورنو ڪاراباخ مان پنهنجي فوجن کي ڪڍي ۽ عالمي قانونن جي اصولن جي پاسداري ڪندي مسئلو حل ڪري ۽ آذربائيجان جي جاگرافيائي سالميت ۽ خودمختياري جو احترام ڪري. اهڙن خيالن جو اظهار هن گڏيل قومن جي جنرل اسيمبلي جي 74 هين اجلاس جي موقعي تي اسلامي تعاون تنظيم (او آءِ سي) جي رابطا گروپ جي جمهوريه آذربائيجان آرمينيا جي جارحيت جي موضوع تي منعقد اجلاس کي خطاب ڪندي ڪيو.