اسلام آباد – 04 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته مسلمان امت متحد ٿي والاريل ڪشمير مان ڪرفيو هٽائڻ جو مطالبو ڪري، وزيراعظم عمران خان جرئت ۽ بهادري سان ڪشميرين جو وڪيل بڻجي سامهون آيو، پاڪستان عالمي سطح تي ڀارت جو فاشسٽ، نازي، هٽلر ۽ انتهاپسنداڻو چهرو دنيا آڏو بي نقاب ڪري ڇڏيو آهي، يونيورسٽي جا شاگرد ڪرفيو هٽائو مهم جو حصو بڻجن ۽ سوشل ميڊيا ذريعي ان مسئلي کي پوري دنيا تائين پهچائين، يونيورسٽي ۾ ٻاهرئين ملڪ مان آيل شاگرد اسان جا وڪيل آهن، پرڏيهي شاگرد پاڪستان جي بيانيي کي اڳتي وڌائڻ ۾ مددگار ثابت ٿيندا. اهڙن خيالن جو اظهار هن انٽرنيشنل اسلامڪ يونيورسٽي ۾ والاريل ڪشمير جي موجوده صورتحال ۽ پاڪستان جي لاءِ امڪان جي عنوان هيٺ عالمي سيمينار کي خطاب ڪندي ڪيو.
