اسلام آباد – 04 سيپٽمبر (اي پي پي) وزيراعظم عمران خان گئس انفراسٽرڪچر ڊولپمينٽ سيس (جي آءِ ڊي سي) جي حوالي سان شفافيت کي يقيني بڻائڻ جي لاءِ آرڊيننس واپس وٺڻ جو فيصلو ڪيو آهي جڏهن ته اٽارني جنرل کي ان معاملي تي سپريم ڪورٽ سان رجوع ڪرڻ جي هدايت پڻ ڪئي وئي آهي. وزيراعظم آفيس پاران جاري بيان موجب جي آءِ ڊي سي جي معاملي بابت ڪيسن جي ڪري جنوري 2012ع کان ڊسمبر 2018ع تائين 417 ارب رپيا رقم رڪيل آهي، ان معاملي تي ڪيسن جي پهرين مرحلي ۾ سپريم ڪورٽ جي آءِ ڊي سي قانون جو خاتمو ڪيو هو جڏهن ته وفاقي حڪومت جي نظرثاني جي اپيل پڻ رد ٿي وئي هئي.
