اسلام آباد – 18 آگسٽ (اي پي پي) پاور ڊويزن هڪ سال دوران پراڻي پهچ واري نظام ۾ بهتري آڻي پيدا ٿيل بجلي جي رڪارڊ ترسيل ڪئي، بجلي چوري جي خلاف مهم سان 1368 ملين روپيا برآمد ڪيا ويا، لائن لاسز ۾ 1.4 سيڪڙو گهٽتائي ٿي، وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ وزيراعظم سيڪريٽريٽ ۾ منقعد هڪ پروقار تقريب دوران پاڪستان تحريڪ انصاف جي حڪومت جو هڪ سال مڪمل ٿيڻ تي ڪارڪردگي رپورٽ جاري ڪئي آهي جنهن جي انگن اکرن موجب پاور ڊويزن هڪ سال دوران پنهنجي قدمن ذريعي پهچ واري نظام کي بهتر بڻائي لوڊمينيجمينٽ تي ضابطو آندو آهي جنهن سبب شديد گرمي دوران اڻ اعلانيل لوڊشيڊنگ جو خاتمو ممڪن ٿيو.
