اسلام آباد – 18 آگسٽ (اي پي پي) موجوده حڪومت جي هڪ سال جي دوران قانون ۽ انصاف واري ڊويزن ۾ عوام دوست قانونن جا مسودا ٺاهيا ويا، قانوني راءِ لاءِ مختلف سرڪاري ادارن طرفان 600 ڪيس مليا جيڪي انتهائي فني حساس، ڏکيا ۽ قانوني ڏکيائين وارا هئا، عوام جي مفاد ۾ اهڙا ڪيس جلدي اڪلايا ويا، پي ٽي آءِ حڪومت گذريل هڪ سال ۾ 29 ججن جي ۽ 9 ميمبرن جي خصوصي عدالتن ۽ ٽربيونلز ۾ مقرري ڪئي آهي. وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ وزيراعظم سيڪريٽريٽ ۾ منقعد هڪ پروقار تقريب دوران پاڪستان تحريڪ انصاف جي حڪومت جو هڪ سال مڪمل ٿيڻ تي ڪارڪردگي رپورٽ پيش ڪئي آهي.
