اسلام آباد – 23 مئي (اي پي پي) سينيٽ چيئرمين محمد صادق سنجراڻي پاڪستان ۽ آسٽريليا جي وچ ۾ اقتصادي ۽ واپاري رابطن کي فروغ ڏيڻ جي ضرورت تي زور ڏيندي چيو آهي ته گهڻ رخي تعاون جي ذريعي ٻنهي ملڪن جي واپاري برادري ۽ سيڙپڪارن کي وڌيڪ ويجهو آڻي سگهجي ٿو. واپاري سطح تي وفدن جي مٽاسٽا جي ذريعي سيڙپڪاري لاءِ نيون راهون هموار ڪري سگهجن ٿيون. پارليامينٽ هائوس ۾ آسٽريليا جي هاءِ ڪمشنر مارگريٽ ايڊمسن سينيٽ چيئرمين سان ملاقات ڪئي جنهن ۾ گڏيل دلچسپي جي معاملن سميت ٻنهي ملڪن ۾ ڏٺو ويندڙ تعاون تي تفيصلي خيالن جي ڏي وٺ ڪئي وئي.
