اسلام آباد – 23 مئي (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته نالائق اعظم ۽ پاڪستان گڏ نٿا هلي سگهن ان لاءِ هڪ جيل ۾ آهي ٻيو ڀڄي ويو ۽ ٽيون سيڻ ملڪي معيشت کي چُن هڻي مفرور آهي، عمران خان جي قيادت ۾ قوم ڪرپشن ۽ معاشي بدحالي جي ڪينسر جو علاج ڪرڻ جو فيصلو ڪيو آهي، اهو وقت پري ناهي جڏهن معيشت به هلندي ۽ عوام خوشحال هوندي، ڊاڪٽر فردوس عاشق اعواڻ مسلم ليگ (ن) جي اڳواڻن جي ميڊيا سان ڳالهه ٻولهه تي پنهنجي رد عمل ۾ چيو ته ڪرپشن جو جيڪو حصيدار نه بڻجي ۽ جيڪو انهن کان ڪرپشن جو حساب گهري اهو نالائق ۽ نااهل آهي.
