اسلام آباد – 05 مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پاڪستان جي امن قدمن سان دنيا تمام وڏي تباهي کان بچي وئي، عالمي سطح تي پاڪستان جي عزت ۽ وقار ۾ اضافو ٿيو آهي، سڄي دنيا مودي، ان جي پاليسين ۽ ڀارتي ميڊيا جو مذاق اڏائي رهي آهي، هاڻي ڀارت جي اندر به مودي جي خلاف آواز اٿي رهيا آهن، وزيراعظم عمران خان اصولن تي ٻڌل پنهنجو موقف دنيا جي سامهون پيش ڪيو. هو سينيٽ جي انساني حقن بابت فنڪشنل ڪميٽي جي اجلاس ۾ خيالن جو اظهار ۽ صحافين سان ڳالهائي رهيو هو.
