اسلام آباد – 16 فيبروري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته وزيراعظم عمران خان جو ويزن آهي ته پاڪستان کي مديني جي رياست جي طرز قائم ڪيو وڃي جنهن جو بنياد رواداري جي قدرن تي هجي، پاڪستان ۽ سعودي عرب جي وچ ۾ تاريخي لاڳاپا آهن جيڪي اقتصادي رابطن ۽ اسلامي ٻڌي جي رشتن ۾ ڳنڍيل آهن، پاڪستان ۾ مرحوم سعودي فرمانروا شاهه عبدالعزيز ۽ سندس شاهي خاندان کي وڏي قدر جي نگاهه سان ڏٺو وڃي ٿو جنهن جو ثبوت اسلام آباد ۾ موجود شاهه فيصل مسجد آهي جيڪا ٻنهي ڀائر اسلامي ملڪن جي مضبوط رشتي جي عڪاسي ڪري ٿي. اهڙن خيالن جو اظهار هن سعودي ٽي وي چينل الاخباريه کي خصوصي انٽرويو دوران ڪيو.
