اسلام آباد – 16 فيبروري (اي پي پي) پرڏيهي وزير شاهه محمود قريشي چيو آهي ته پلواما ۾ جاني نقصان تي صدمو ٿيو آهي، اهو افسوسناڪ واقعو جنهن ۾ جانين جو زيان ٿيو ۽ ماڻهو زخمي ٿيا، اها اسان جي ايجنڊا نه آهي، واقعي کانپوءِ ڀارت بنا تحقيق جي ردعمل ڏنو، نئين دهلي وٽ ثبوت آهي ته پيش ڪري پاڪستان تعاون ڪرڻ لاءِ تيار آهي، پاڪستان سفارتي طور تي اڪيلو ڪرڻ جي ڀارت جي خام خيالي آهي. ميونخ ۾ سيڪيورٽي ڪانفرنس جي موقعي تي وائيس آف آمريڪا سان خصوصي ڳالهه ٻولهه ڪندي پرڏيهي وزير چيو ته پلواما ۾ جاني نقصان تي صدمو ٿيو. اهو افسوسناڪ واقعو جنهن ۾ جانين جو زيان ٿيو ماڻهو زخمي ٿيا.
