اسلام آباد – 22 نومبر (اي پي پي) ڪابينا جي اقتصادي رابطا ڪميٽي پاڪستان اسٽيل ملز جي فوتي ملازمن جي گهرڀاتين کي رهتن جي ادائيگي لاءِ 1066.078 ملين رپين جي گرانٽ جي منظوري ڏئي ڇڏي آهي. اي سي سي جو اجلاس ناڻي واري وفاقي وزير اسد عمر جي صدارت ۾ ٿيو. اي سي سي صنعت ۽ پيداوار واري وزارت پاران پاڪستان اسٽيل ملز جي فوتي ملازمن جي گهرڀاتين کي رهتن (پراويڊنٽ فنڊ، گريجوئيٽي ۽ پي رول بقايائن) جي ادائيگي جي لاءِ 1066.078 ملين رپين جي گرانٽ جي تجويز تي غور ڪندي ان جي منظوري ڏئي ڇڏي.
