اسلام آباد – 22 نومبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پاڪستان ۾ آزاد ۽ فعال ميڊيا جي ڀيٽ ترقي يافته ملڪن سان ڪئي وڃي ٿي، انفارميشن ٽيڪنالاجي جي شعبي ۾ انقلاب سان ميڊيا ۾ وڏيون تبديليون اينديون، ميڊيا ريگيوليٽري اٿارٽي کي جديد دور جي گهرجن سان هم آهنگ ڪرڻ جي لاءِ پيمرا، پريس ڪائونسل آف پاڪستان ۽ پي ٽي اي کي ضم ڪيو پيو وڃي، ڪرتارپور سرحد کولڻ جي فيصلي جي آجيان ڪريون ٿا، پاڪستان امن جي خواهش جي ڏس ۾ ڪرتارپور سرحد کولڻ جي تجويز ڏني هئي. اهڙن خيالن جو اظهار هن مقامي هوٽل ۾ قومي سلامتي ۽ قوم سازي ۾ ماس ميڊيا جي ڪردار بابت هڪ ڏينهن واري ڪانفرنس جي پڄاڻي واري سيشن کي خطاب ڪندي ڪيو.
