اسلام آباد – 24 جولاءِ (اي پي پي) اطلاعات، نشريات، قومي تاريخ ۽ ادبي ورثي واري وفاقي وزير سيد علي ظفر چيو آهي ته نگران وفاقي ۽ صوبائي حڪومتن، اليڪشن ڪميشن ۽ لاڳاپيل ادارن پرامن ۽ سازگار چونڊ ماحول ڏيڻ جي لاءِ سمورا قدم کنيا آهن، اڄ اربع ڏينهن عوام پوري اعتماد سان پنهنجي ووٽ جو حق استعمال ڪري، ميڊيا جا ٿورا مڃون ٿا جو هن مختلف سياسي پارٽين جي موقف کي عوام تائين پهچايو ۽ ووٽ جي اهميت کي اجاگر ڪيو. پنهنجي هڪ پيغام ۾ وفاقي وزير چونڊن ۾ حصو وٺندڙ سمورن اميدوارن ۽ سياسي پارٽين جا ٿورا مڃيندي چيو ته هنن پنهنجي ڀرپور شرڪت سان ملڪ ۾ جمهوريت ۽ جمهوري عمل کي مستحڪم ڪيو ۽ مضبوط بڻايو.