اسلام آباد – 06 جولاءِ (اي پي پي) اطلاعات، نشريات، قومي تاريخ ۽ ادبي ورثي واري وفاقي وزير سيد علي ظفر چيو آهي ته پاڪستان جي ثقافتي ورثي جي فروغ ۽ ان کي محفوظ بڻائڻ جي لاءِ ثقافت کي تعليم سان ڳنڍڻ ضروري آهي، ملڪ جي قومي سڃاڻپ برقرار رکڻ جي لاءِ ثقافتي ورثي کي محفوظ بڻائڻ بنيادي اهميت رکندڙ آهي، ثقافت ۽ ورثو ماڻهن کي هڪ ٻئي جي ويجهو آڻڻ، انهن ۾ اتحاد جو احساس پيدا ڪرڻ ۽ انهن کي پنهنجي تاريخ کان روشناس ڪرائڻ جو ذريعو آهي. هن اهڙن خيالن جو اظهار پاڪستان جي ثقافتي ورثي جي سائيٽس بابت رابطا ڪميٽي جي پهرين اجلاس جي صدارت ڪندي ڪيو.
