اسلام آباد – 16 اپريل (اي پي پي) صدر ممنون حسين چيو آهي ته تازي ٽيڪس ايمنسٽي اسڪيم سان مني لانڊرنگ جي روڪٿام ۾ مدد ملندي ۽ ملڪ جي بهترين مفاد ۾ پرڏيهي اثاثن کي پڻ واپس آڻي سگهبو. ڊائريڪٽوريٽ جنرل آف اميگريشن اينڊ پاسپورٽس جي دوري دوران صحافين سان ڳالهائيندي صدر چيو ته ملائيشيا ۽ انڊونيشيا ۾ اهڙي قسم جون ايمنسٽي اسڪيمون ڪامياب رهيون آهن. هن ان تاثر کي رد ڪري ڇڏيو ته ٻاهرئين ملڪ پاڪستانين پاران گڏ ڪيل سموري دولت غيرقانوني ذريعن سان حاصل ڪئي وئي آهي.
